Copyright (c) 2007 Puneet Joshi
Itna Na
Itna na kareeb aao ki karaar dhale
Door utni bhi na jaao dhadkan hi thame
Bas itna muskuraao lab zara se hilen
Itna na gungunaao khushiyaan bikharen
Nazar itni na churaao andhera aa base
Par utni na milaao bijli aa gire
Bas itna hi rulaao arzoo yeh badhe
Gam itne na ghataao aankhen na namen
Itna na aajmaao humse na bane
Rasm itni na nibhaao rishta na bane
Itna na manaao roothate na bane
Raah teri jo dekhoon zindagi yeh mile
Itna na sharmaao palken hi bichhen
Jhuki nazren jo dekhoon ikraar hi mile
Bas itna hi jataao mehsoon hum karen
Baat itni hi badhaao bezubaan yeh kare
